مختارات عنود الصيد..الجزء الثاني

الصاحب اللي ما يراعي خليلـه=ليه يتمـادا بالجفـا والتغاضـي
لاصار قلبي لازهـم ينحنـي لـه=ويارد علشانه منـون الحياضـي
واليا زعل حاولت بأيـت وسيلـه=اني احـل المشكلـه بالتراضـي
واليوم جافينـي ونفسـه بخيلـه=والدمع من بين الشعيبين فاضـي

:::::::::::::::::::::::::::::

قالوا علام اللون جاء فيـه تغييـر=وجاء فيه من وسم البداوة علامات
مالك ومال اللي يبـون المخاسيـر=ضيّعت مالك بين روحـة وجيـات

:::::::::::::::::::::::::::::

ليه مقفل بابي وانتـي عارفـه كـل الاجابـه=والسؤال يعيد نفسـه وانتـي انسانـه لعوبـه
ابعـدي لا بـارك الله بالصداقـه والقـرابـه=اي فهمت ان(((الخيانه)))بالهوى أكبر عقوبـه
اسمعيني وفهمينـي والحكـي ماهـو طلابـه=اعرفيني صـادقِ بالحـب ولا انتـي كذوبـه
فارقيني فـي فـراقِ مايجـي عقبـه رحابـه=وهجريني في هبوبِ جعـل ماترجـع هبوبـه
والطريق اللي دعاني قد دعاا غيـري وجابـه=واجد العشاق مثلي وكل شخص ولـه سلوبـه
واحدِ مثلي تعـزوا ولانـوى يخسـر شبابـه=يوم بعض الناس غيري بالهوى بانت عيوبـه

::::::::::::::::::::::::::::

[poem=font="Simplified Arabic,3,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لبيـه ثـم لبيـه لبـيـه لبـيـه=لبيـه يُمّـه ثـم لبـيـه لبـيـه
أرفع بها صوتي لما إنـك دعيتـي=وأفزّ مثل الصقـر فيمـا بغيتيـه
حقٍ علي مـا فيـه فضـل ومنّـه=وأسمع وأطيع وتمّ ماقول لك ليـه
تدللي وأنـا لـك الوافـي البـار=حُـر ولـد حُـر وعبـدٍ ملكتيـه
لا انكر حقوق أمه خبيث الدلايـل=اللي من النعمـه كبـارٍ علابيـه
جعل أم خمس اللي سريعٍ ندبّهـا=من كف تفّاقٍ على الضلـع تثنيـه
[/poem

]::::::::::::::::::::::::::::

البارحـه مشتـاق لـك شـوق بالحيـل=قلت أتصل والا اني ارسل رسااااااااااله
واحتـرت بالثنتيـن واحـط واشـيـل=شيٍ بوسط القلب صعـبٍ منااااااااااالـه
عليـك يـاراع الرومـوش المظالـيـل=ياللي عليك القلـب زااااد أنشغاااااااالـه
يسوقني لك سـوق عجـل المواصيـل=رجلٍ من اللهفـه يسابـق ضلااااااااالـه
عقب البطـا والأسـر شـاف التهاويـل=ماعاد له يـا كـود شوفـة عيااااااااالـه
ويحـن لـك حنـت يتيـم وبـه ميـل=وزوجة ابـوه موريتـه النذااااااااااالـه
عايـش حياتـه كـل أبوهـا بهـاذيـ=لولاعاد لـه بالوقـت الا خواااااااااالـه

:::::::::::::::::::::::::::::

مافي علوم الناس ما يثلج الصدْر=الأذن تسمـع والفـواد يتحسّـر
هذا زمان البوق والمكر والغدر=فيه الخواطر كل يـوم تّكسّـر
لو الليالي تشبـه لليلـة القـدْر=ما كان فعل الخيّريـن يتعَسّـر
راحت مواقفنا معَ أصحابنا هدْر=وش ضرّهم لو قدّموا ما تيسّـر

:::::::::::::::::::::::::::

دخيلـك ليـه تـزرع لـي فـي دربـك يالبعيـد اشــواك=انا والله م/استاهل معك كل اللي يحصل لي
غلطت وقلـت لـك أهـوى جننـت وقلـت لـك أهـواك=احسب ان المشاعر فيك إذا جنيت ياون لي
مـاأدري أن تعذيـبـك يخـلـي الـ/ مانـسـى ينـسـاك= وانا اللي ماقدرت انسى وطحت بعشقتك كلي
لـو انـك ماتجـي يمـي احـس انــك مـعـي والـقـاك=ي/ ساكن في وسط صدري وتلازمني مثل ظلـي
أمـوت آمـوت واحيابـك / أمـوت ان مـرنـي طـريـاك= أموت آموت من صمتك / واموت ان قلت لك قلي
لأنـي ماأبـي بلحـظـه تـعـرف انــي انــا اتمـنـاك=ابيك انت الـ/ تجي يمي وانا الـ/ أقبل أو آخلي
شمـوخـي فـيـه مبلـيـه ويمـكـن يهـتـدي بـهـداك= لو اني صعب أتبدل لو الويلات يجرن لـي
ابـي اصبـر علـى ضيمـك .. ابـي اصبـر ولا اتـرجـاك= ويمكن تشعر بحزني وإذا حنيت تفطن لـي

:::::::::::::::::::::::::::::::::

حسبي الله فيك يابطاقة ســـواا=كل مادقيت جاوبني وقال
انت ياللي تتصل مالك لـــــــوااا=والرصيد اللي قضى ماله مجال
الشــريحه مابــها طـــب ودواااا =كـود تدهــن ســيرها بخشم الريال
قلت تو مازان حضي واستـوى= لامجـال ولا وصـــال ولا أتـصــال
خابرك ياحض نجمك بي هوى= ماأعتمد عليــك في ســـود الليـال

::::::::::::::::::::::::::

من يقول معّدل الطيب في الناس انخفـض=ظالـمٍ نفسـه وغـادي وتقريـره خـطـا
النشاما حزة الضيـق يقضـون الغـرض=يبـرزون بوقـفـتٍ بيـنـه والا عـطـا
ومن يذم الناس لاشك فـي قلبـه مـرض=ياعسـاه يـروح عنـي مراويـح القطـا
اشهد انه في اصدقاء اللين صاير لي عوض=ومن غلاه اضرم لشوفه ولو مالـي بطـا

يالمبدعه ياعنود الصيد=والله تعرفين تختارين
أشوف روعة قلمك تزيد=الزين ما يكتب الا زين
يابلبل الشوق ياغريد=عنودنا وين وأنته وين؟

أهداء للعنود على حسن الأختيار..ويابخت من أختارت شعره!!

من يقول معّدل الطيب في الناس
انخفـض ظالـمٍ نفسـه وغـادي وتقريـره خطـا
النشاما حزة الضيـق يقضـون الغـرض
يبـرزون بوقفـتٍ بيـنـه والا عـطـا
ومن يذم الناس لاشك فـي قلبـه مـرض
ياعسـاه يـروح عنـي مراويـح القطـا
اشهد انه في اصدقاء اللين صاير لي عوض
ومن غلاه اضرم لشوفه ولو مالـي بطـا


هالمقطع رائع جدا

تسلمين اختي

مختارات في قمة الروعة

أخت عنود الله يعطيك العافيه

وليت إذا أمكن تكتبين لنا أسم الشاعرتحت كل قصيدة

مشكورة يا عنود الصيد

الله يبارك فيك

ذوق راقي جداً واختيار موفق في القصائد

تسلم يمينك يالعنود

ما شااااااااااء الله

ذوقك حلو مره في اختيار الأبيات


تحياتي

	أختيارات جميله ياعنود الصيد تحياتي لكل مبدع

لا استطيع ان اقول لكي غير انتي مبدعه في ذوقك واختيارك دائما
مودتي

النابـــــــــــــــــــــــــغة
لاهنت يالغالي ويابختي في هالأبيات وإهدائك الله يسلمك

ندى

شاكرة مرورك والله يسلمك لاهنتي


البرنس

أبشر في الجايات أذكر أسماء الشعار ولاهنت على المرور



السلطان

الذوق الراقي ماخذينه منك لاهنت على مرورك


the surgeon

مشكور يالغالي الأحلى من ذوقي مرورك ياغالي لاهنت

أبن جربان

حياك الله لاهنت يالمبدع

		المشاركة الأصلية بواسطة : الشدادي اقتباس
	لا استطيع ان اقول لكي غير انتي مبدعه في ذوقك واختيارك دائما مودتي

حيالله الشدادي أسعدني مرورك لاهنت ياغالي...